مشهد د مجاهد او شهید رهبر د جنازې د دستورو لپاره د ۱۰ میلیونه زیارتوالو ملمستیه ته تیار دی
د ایکنا د خراسان رضوي څانګې د راپور له مخې، غلامحسین مظفري پرون د غبرګولي د میاشتې (خرداد) په ۲۲ نېټه د توس په فرهنګي ټولګې او د حکیم ابوالقاسم فردوسي په آرامګاه کې د رسنیو له استازو سره په یوې خبري غونډې کې د دغو مراسمو د چمتووالي په اړه خبرې وکړې.
هغه وویل، له هغه وخته چې د تدفین ځای اعلان شوی، په ولایت کې ګڼ شمېر د همغږۍ غونډې ترسره شوې دي او بېلابېلې اجرایي، خدماتي، مرستندویه، انتظامي او امنیتي ادارې د زائرانو او ګډونوالو د مېلمستیا لپاره د اړینو شرایطو په برابرولو بوختې دي.
مظفري زیاته کړه چې اټکل کېږي د دغو مراسمو په ترڅ کې له ۸ تر ۱۰ میلیونو پورې کسان ګډون وکړي. د هغه په وینا، د دومره ستر شمېر خلکو مدیریت د ټرانسپورټ، استوګنې، ښاري خدمتونو، روغتیا، درملنې، ژغورنې او امنیت په برخو کې دقیقې او هر اړخیزې برنامې ته اړتیا لري، له همدې امله په ملي او ولایتي کچه ګڼې تخصصي غونډې ترسره شوې دي.
د خراسان رضوي والي ټینګار وکړ چې دغه ولایت د لویو ملي او مذهبي غونډو په کوربتوب کې پراخه تجربه لري. هغه وویل چې مشهد په تېرو لسیزو کې څو ځله د سترو ملي مراسمو کوربه پاتې شوی او د خلکو او ادارو له پلوه د ورته پروګرامونو د مدیریت لپاره د پام وړ وړتیاوې لري. د نوموړي په وینا، له ملي ادارو سره هم لازمې همغږۍ روانې دي څو زائرانو ته خدمتونه له لږو ستونزو سره وړاندې شي.
مظفري د خراسان رضوي فرهنګي مقام ته په اشارې وویل چې دا ولایت یوازې یو زیارتي مقصد نه دی، بلکې د ایران له مهمو تمدني او فرهنګي مرکزونو څخه ګڼل کېږي. هغه څرګنده کړه چې خراسان د فردوسي، عطار، خیام او لسګونو نورو اغېزشیندونکو فرهنګي، ادبي، حکمي او عرفاني شخصیتونو ټاټوبی دی، او همدا تاریخي مخینه د ولایت د چارواکو مسؤلیت لا دروندوي چې د دغې سیمې فرهنګي ځایګی وساتي او لا ئې پیاوړی کړي.
هغه په پاي کې وویل چې د «شهید رهبر» د د جنازې او خاورو ته د سپارلو دستورې به د ملي یووالي، ټولنیز پیوستون او د خراسان رضوي د اجرائي وړتیاوو د ښودلو یو فرصت وي. د هغه په وینا، ټولې ادارې هڅه کوي چې دغه مراسم د ایران د خلکو او د امام رضا(ع) د سپېڅلي حرم د زائرانو د شان او مقام سره سم ترسره شي. نوموړي زیاته کړه چې دا مراسم به د خپلو معنوي اړخونو ترڅنګ د ولایت فرهنګي، ټولنیزې او مدیریتي وړتیاوې هم نندارې ته وړاندې کړي.
https://khorasan.iqna.ir/fa/news/4357785
